சிங்கள வினைச்சொற்களும் காலங்களும்Sinhala Verbs and Tenses Guide

1. கட்டளை வடிவங்கள் (Command Forms)

ஒருவரை ஒரு செயலைச் செய்யச் சொல்வதற்கு (உதாரணமாக: செய்யுங்க, வாங்க, போங்க), வினைச்சொல்லின் இறுதியில் உள்ள ‘nawa’ (නවා) என்பதை நீக்கிவிட்டு ‘nna’ (න්න) சேர்க்க வேண்டும்.

2. நிகழ்காலம் (Present Tense)

ஒரு செயல் இப்போது நடப்பதைக் குறிக்க, வினைச்சொற்கள் பெரும்பாலும் “னவா” (-nawa / නවා) என்ற ஓசையில் முடியும்.

பொதுவான அமைப்பு: எழுவாய் + வினையடி + නවා (னவா)

உதாரணங்கள்

• මම සිංහල ඉගෙන ගන්නවා. (mama siṁhala igena gannavā)
  நான் சிங்களம் கற்றுக்கொள்கிறேன்.
• තාත්තා වැඩ කරනවා. (tāttā væḍa karanavā)
  அப்பா வேலை செய்கிறார்.
• එයාලා යනවා. (eyālā yanavā)
  அவர்கள் போகிறார்கள்.

3. இறந்தகாலம் (Past Tense)

இறந்தகாலத்தில் வினைச்சொல்லின் அடிப்படை வடிவம் சற்று மாறும். இவை ஒழுங்கற்ற முறையில் (irregular) மாறும், பெரும்பாலும் “ஆ” (-a / ආ) என்ற ஓசையில் முடியும்.

உதாரணங்கள்

• මම ඊයේ පාසලට ගියා. (mama īyē pāsalaṭa giyā)
  நான் நேற்று பள்ளிக்குச் சென்றேன்.
• අපි ඊයේ වැඩ කළා. (api īyē væḍa kaḷā)
  நாங்கள் நேற்று வேலை செய்தோம்.
• ඔහු බත් කෑවා. (ohu bat kǣvā)
  அவர் சாதம் சாப்பிட்டார்.

4. எதிர்காலம் (Future Tense)

எதிர்காலத்தைக் காட்ட சிங்களத்தில் பல்வேறு வழிகள் உள்ளன.

முறை 1: நிகழ்கால வடிவம் + காலச்சொல்

பேச்சுவழக்கில் இது மிகவும் இயல்பானது. நிகழ்காலச் சொல்லையே எதிர்காலத்திற்கும் பயன்படுத்தலாம்.

• මම හෙට යනවා. (mama heṭa yanavā)
  நான் நாளை செல்கிறேன் / செல்வேன்.
• ඇය හෙට වැඩ කරනවා. (æya heṭa væḍa karanavā)
  அவள் நாளை வேலை செய்வாள்.

முறை 2: ‘nnam’ (න්නම්) விகுதி சேர்த்தல் (நான் / நாங்கள்)

“நான் ஒரு செயலைச் செய்வேன்” என உறுதியாகக் கூறும்போது (1st Person) வினைச்சொற்கள் “ன்னம்” (-nnam) என முடியும். இது மற்றவர்களுக்கு வராது.

• මම හෙට යන්නම්. (mama heṭa yannam)
  நான் நாளைக்குப் போவேன்.
• මම කරන්නම්. (mama karannam)
  நான் செய்வேன்.

முறை 3: ‘mu’ (මු) விகுதி சேர்த்தல் (நாங்கள்)

“நாங்கள் செய்வோம்” எனப் பன்மையைக் குறிக்க மட்டும் இது பயன்படும்.

• අපි හෙට වැඩ කරමු. (api heṭa væḍa karamu)
  நாங்க நாளைக்கு வேலை செய்வோம்.

முறை 4: ‘yi’ (යි) விகுதி சேர்த்தல் (மற்றவர்கள்)

முன்னால் இருப்பவர்களைப் பற்றி அல்லது மூன்றாம் நபர்களைப் பற்றிப் பேசும்போது பயன்படும்.

• එයාලා හෙට එයි. (eyālā heṭa eyi)
  அவங்க நாளைக்கு வருவாங்க.
• එයා හෙට වැඩ කරයි. (eyā heṭa væḍa karayi)
  அவர் நாளைக்கு வேலை செய்வார்.

5. வினை எச்சம் (Past Participle)

செய்து முடித்த ஒரு பாதியைக் குறிக்க (உ-ம்: செய்து, வந்து, பார்த்து) பொதுவாகச் சொற்களின் முடிவில் ‘la’ (ලා) பயன்படுத்தப்படும்.

உதாரணம்

• එයාලා වැඩ කරලා. (eyālā væḍa karalā)
  அவங்க வேலை செய்துட்டாங்க (செய்து முடித்துவிட்டார்கள்).

6. மறுப்பு வடிவங்கள் (Negative Forms)

ஒரு செயலைச் செய்யவில்லை அல்லது செய்யமாட்டேன் எனச் சொல்ல, காலத்திற்கு ஏற்ப கீழ்க்கண்ட வடிவங்களைப் பயன்படுத்துங்கள்.

உதாரணம்

• මම අද යන්නේ නෑ. (mama ada yannē nǣ)
  நான் இன்று செல்லவில்லை / செல்லமாட்டேன்.

7. சுருக்கம்: ஒரே வினைச்சொல்லின் பல்வேறு வடிவங்கள்

“செய்” — කර (kara) என்ற ஒரே வினைச்சொல் வடிவங்களுக்கு ஏற்ப எப்படி மாறுகிறது எனப் பாருங்கள்.