ஆங்கிலச் சொற்களைப் பயன்படுத்தி எளிதாக சிங்களம் பேசுவது எப்படி?Speak Sinhala Using English Words

1. “பண்ணுங்க” அல்லது “செய்யுங்க” (Karanna - கரன்ன)

தமிழில் “பண்ணுங்க” அல்லது “செய்யுங்க” எனச் சொல்வதற்குச் சிங்களத்தில் Karanna எனலாம். ஒரு வினைச்சொல்லுக்குச் (verb) சிங்களத்தில் என்ன சொல்வது எனத் தெரியாவிட்டால், அந்த ஆங்கில வார்த்தையுடன் “Karanna” என்பதைச் சேர்த்துப் பேசுங்கள்.

2. செய்ய வேணாம் / செய்ய வேணும் (Epa / Ona)

ஒரு செயலைச் செய்ய வேண்டாம் அல்லது செய்ய வேண்டும் என்று கூறுவதற்கும் இதே முறையைப் பின்பற்றலாம்.

Karanna epa (செய்ய வேணாம் - கரன்ன எபா)

ஒரு செயலைச் “செய்ய வேணாம்” என்று சொல்வதற்கு Karanna epa என்று சொல்லலாம்.

(வெறுமனே “Epa” (எபா) என்று சொன்னாலும் அவர்களுக்குப் புரிந்துவிடும்).

Karanna ona (செய்ய வேணும் - கரன்ன ஓன)

அதேபோல, ஒரு செயலைச் “செய்ய வேணும்” என்று சொல்வதற்கு Karanna ona என்று கூறலாம்.

3. “தாங்க” (Dhenna - தென்ன)

கடைகளில் பொருட்களைக் கேட்கும்போது “தாங்க” எனச் சொல்ல Dhenna என்பதைப் பயன்படுத்துங்கள்.

4. ஆங்கிலப் பொருட்களின் பெயர்களுடன் “Eka” (எக்க) சேர்ப்பது

ஒரு பொருளின் பெயரைக் கூறும்போது, அதனுடன் Eka என்ற சொல்லைச் சேர்த்துப் பேசினால் அது இயல்பான சிங்கள வாக்கியம்போலவே மாறிவிடும்.

வேற்றுமை உருபுகள் (ஐ, கு, இல்)

தமிழில் எப்படி வார்த்தைகளின் பின்னால் வேற்றுமை உருபுகள் வருகிறதோ, அதேபோல eka என்ற சொல்லுடன் சில எழுத்துக்களைச் சேர்த்துப் பேச முடியும்:

5. “இருக்கா?” (Innawadha / Thiyenawadha)

“இருக்கா” என்று கேட்பதற்குச் சிங்களத்தில் இரண்டு வார்த்தைகள் உள்ளன. உயிருள்ளவை, உயிரற்றவை எனப் பிரித்து இதைப் பயன்படுத்த வேண்டும்.

உயிருள்ளவை: Innawadha? (இன்னவதா?)

ஆட்களைப் பற்றி விசாரிக்க இதைப் பயன்படுத்த வேண்டும்.

உயிரற்றவை: Thiyenawadha? (தியனவதா?)

பொருட்கள் இருக்கிறதா எனக் கேட்க இதைப் பயன்படுத்த வேண்டும்.

6. “இல்லையா?” மற்றும் “இல்லை” (Naedhdha / Nae)

ஒரு பொருள் அல்லது நபர் “இல்லையா?” எனக் கேட்பதற்கு Naedhdha என்று சொல்லலாம். இதற்குப் பதிலாக “இல்லை” என்று கூற Nae என்று சொல்ல வேண்டும். இது உயிருள்ளவை, உயிரற்றவை என இரண்டுக்குமே பொருந்தும்.